“सुसंस्कार-सुविचार-सुसंगती या तीन तत्त्वावर आधारित ही चिंतने खरोखरच विविध विषयांवर एक नवीन प्रकाश टाकत आहेत. आपल्या जीवनातील अनेक प्रश्नांचे आपणास नवीन पद्धतीने अवलोकन करण्यास भाग पाडते.”

“फक्त आध्यात्म नव्हे तर जीवनातील अनेकविध गोष्टींबद्दल जे विचार मांडले आहेत ते सहजपणे अनुकरणीय आहेत. आपल्या जीवनात बदल घडवून आणण्यासाठी चिंतनाचे महत्व अधोरेखित होते.”

“नाम साधना आणि भक्तिमार्ग याच दोन गोष्टी या कलियुगात आपणास सुख, शांती आणि आरोग्य कमविण्यासाठी उपयोगि आहेत. पैसे हे केवळ एक साधन असून परमोच्च सुखासाठी पैसे आणि संपत्ती केवळ अपुरी ठरते. ही चिंतेने वाचून आयुष्याकडे बघण्याचा दृष्टीकोन बदलून गेला.”

“अनेक विचारसरणींचा अभ्यास करून त्यावर आपले स्वतःचे केलेले चिंतन आपणास “सर्वसमावेशक विचारच समाजाला संतुलित ठेवू शकतात” यावर विश्वास ठेवण्यास भाग पाडते. सुदृढ समाजासाठी सुसंस्कार- सुविचार- सुसंगती ही त्रिसूत्री प्रत्येकाने अंगीकारली पाहिजे.”

“अन्न- वस्त्र- निवारा या जश्या माणसाच्या मूलभूत गरजा आहेत तश्याच बापूजींनी सांगितलेली त्रिसूत्री आपल्या जीवनाला एक नवीन अर्थ प्राप्त करून देणारी खूप आवश्यक त्रिसूत्री आहे असे मला वाटते.”

“वैद्यकिय क्षेत्रात काम करताना, रूग्णांना आयुष्यभर सेवा देताना, सात्त्विक वृत्ताने केलेले जीवनाचे अवलोकन केवळ परमोच्च आनंद देवून जाते. इतरांच्या वेदना दूर करताना परमेश्वराला शरण जावून त्याची केलेली भक्ती म्हणजेच रुग्णसेवा होय, याचा प्रत्यय या चिंतनातून येतो.”

“सुखाचा शोध घेताना ईश्वराला शरण जाण्या व्यतिरिक्त दुसरा सुकर मार्ग नव्हे हे ही चिंतने वाचल्यानंतर अधोरेखित होते. सुखाची प्रचिती संपत्तीने नव्हे तर सुसंगतीने होते याची खात्री पटली.”

“शिक्षक म्हणून कारकीर्द करताना अनेक प्रसंगात मुलांवर सुसंस्काराचे महत्व नेहमीच जाणवत होते. सुसंगती – सुसंस्कार- सुविचार ही त्रिसूत्री प्रत्येकाच्या आयुष्याला एक कलाटणी देणारी ठरेल असे मला वाटते. “

“आध्यात्मिक जीवनाचा कुटुंबावर होणार परिणाम पिढ्यानपिढ्या टिकणारा आहे. घरातील वडीलधारया व्यक्तींचे आचरणच पुढील पिढीवर खरे संस्कार करत असते. म्हणुन अध्यात्माचे संस्कार प्रत्येक घरत खूप गरजेचे आहेत.”